Sino ang taya?

But this general, theoretical question automatically arises: What is at the root of the falsehood of such arguments; how can hypocrisy of the German imperialists be exposed with unerring certainty? The correct theoreticala nswer pointing to the root of falsehood always serves as a means  of exposing the hypocrites who, for reasons all too obvious, are inclined to cover up their falsehood, to obscure it, to clothe it in flowery phrases, all sorts of phrases, phrases about everything in the world, even about internationalism.

                                          German and Non-German Chauvinism, Vol.22, p. 183


Ang isang pagkakamali ay hindi kailan man nasosolusyunan ng isa pang pagkakamali. Para itong apoy, hindi mawawala kung susundan pa ng kahit na maliit lang  na apoy. Anu pa man ang mangyari, mas lalala at lalaki pa ito. Sa panahong ito, nagsisimula na naman na maglabasan ang gustong makisama sa koronasyon ng bagong buwaya sa ating bansa. Hindi pa nga nawawala ang pinakamalaking buwaya sa Pilipinas sa palasyo, ngunit heto na naman ang mga nagkakandarapa na maghari sa trono.

Masakit man sabihin, ngunit ilang beses na tayong naging biktima at naging uto-uto sa paulit-ulit na pangangako, sa paghahayag ng katalinuhan at sa pag-ako ng kanilang walang bahid na kagustuhan na magsilbi kuno sa sambayanang Pilipino. 

Hindi mailalabas ang pagkakamali kung magpapadala tayo sa pagpapanggap at huwad na layunin ng mga naghaharing uri. Iyon ang pagkakamali natin. Sa sobrang pagiging masayahin nating mga Pilipino, madali na tayong makalimot. Nakalimutan na natin ang dahas na isinukli ng pamilya Cojuangco sa mga mamamayan na ang nais lamang ay mabuhay nang sapat at maayos. Pagpapaulan ng bala, pagtatapon ng tear gas, pakikipagsabwatan sa institusyon ng pamahalaan-ito ang ginawa ng nagmamay-ari ng Hacienda Lusita. At ngayon ano na lang ang mas tumatatak sa atin? Si Noynoy ay isang malinis na Aquino na gagabayan ng kanyang inang makadiyos at amang makabayan kapag siya ay naitanghal na presidente ng Pilipinas. Sinabi lang na diyos, ayan at nasa kanya na ang panig ng karamihan. Sinabi lang na demokrasya dahil kay Ninoy, lalong nadagdagan ang panig na iyon.

Nariyan din ang isyu tungkol kay Villar sa C5 na proyekto niya na marami 'daw' ang makikinabang. Ngunit sa kahit anong anggulo natin tingnan, siya ang may pinakamalaking benepisyo sa kanyang proyekto. Alinsunod naman sa kanyang sinasabi na para daw ito sa ikagaganda ng bayan. At siya. Siya mismo anng nagtatanghal sa kanyang sarili bilang tunay na mahirap? Galing nga ba siya sa mahirap? Nananalaytay pa nga ba sa kanya ang dugong mahirap kahit na naging likas na sa kanya ang pagpapayaman. Sino ang maniniwala? Sa paanong paraan?

Hindi matatabunan kailan man ng katalinuhan, ang pagiging matatas magsalita, at ng kahit ano pang pagpapanggap ang isang kamalian. Nariyan at nariyan ito. Subukan nating huwag umasa at tingnan ang lalim ng mga pagkataong  nasa harap natin. Sino nga ba sa kanila? Sino ang nagpapagod lang para sa kanilang sarili? Sino ang nagpapagod para sa mga mamamayan. O talagang hanggang sa katapusan, wala tayong mapapala? Sino ang totoo, sino ang malinis? Sino ang hindi mayabang sa salita at sa gawa? Sino sa mga tatakbo ang dapat mataya?

QUEENE TUMAQUE